પોતાનો સ્વતંત્ર વ્યવસાય કરવાની તકને કારણે સાવ છેવાડે રહેતા પરિવારોની દિશાઓ ખુલવા માંડી છે

65ea8-vssm2વીચરતા સમુદાય સમર્થન મંચ/

જુના ડીસાથી 10 કી.મીના અંતરે આવેલા દામાગામમાં રહેતા રામજીભાઈ વાંસફોડા વાદી ડીસા બસસ્ટેન્ડમાં આવતી બસમાં વેફર, બીસ્કીટ, પાણી વગેરે વેચવાનું કામ કરે. બસસ્ટેન્ડમાં આવેલી દુકાનદારને ત્યાં તેઓ દૈનિક કામદાર તરીકે કામ કરે અને તેમને ફીક્સ પગાર મળે. તેમની ઈચ્છા પોતાનો સ્વતંત્ર વ્યવસાય કરવાની પણ તે માટે પૈસા જોઈએ.
આવામાં તેમને સ્વતંત્ર વ્યવસાય માટે વીચરતા સમુદાય સમર્થન મંચ દ્વારા આપવામાં આવતી વગર વ્યાજની લોન અંગે ખ્યાલ આવ્યો અને કાર્યકર મહેશને લોન આપવા વિનંતી કરી.

રૃા.10,000ની લોન મળી તેજ દિવસે તેમની પત્નીએ દીકરાને જન્મ આપ્યો. પણ તેની તબિયત ખરાબ થતા તેને હોસ્પીટલમાં દાખલ કરવો પડ્યો અને લગભગ 15,000નું દેવું થઈ ગયું. વ્યાજવા રૃા.10,000 લાવીને દીકરાને બચાવવા કોશીશ કરી પણ દીકરો બચ્યો નહીં.

માથે દેવું થયું છે તેવો ખ્યાલ મહેશને આવતા મહેશે તેમની લોનની રકમમાંથી રૃા.5,000 તત્કાલ જેમની પાસેથી વ્યાજવા પૈસા લીધા હતા તેમને ચુકવાયા અને રૃા.5,000માંથી બસસ્ટેન્ડમાં વેચવાનો સામાન ખરીદાવ્યો અને તેને રાખવા માટે જગ્યા કરી આપી. મહેશે તેમને પ્રથમ દેવાથી મુક્ત થઈ જવા કહ્યું અને દેવામાંથી મુક્ત થયા પછી વીચરતા સમુદાય સમર્થન મંચની લોનનો હપ્તો ભરવા કહ્યું.

વીચરતા સમુદાય સમર્થન મંચ પાસે મહેશ જેવા કાર્યકરો છે એનો અમને ગર્વ છે જે માનવીય ધોરણે આ પરિવારોને જુએ છે અને તેમને પરિવારની જેમ મદદ કરે છે. રામજીભાઈ પણ ખુબ મહેનત કરે છે. ધંધો સારો ચાલે છે. બે ત્રણ મહિનામાં દેવામાંથી મુ્ક્ત થઈ જશે તેવી તેમને આશા છે.

રમણભાઈ દેવીપૂજક ડીસામાં જ રહે. તેઓ હાથલારી લઈને ભંગાર ભેગો કરવાનું કામ કરે. પૈસાથી ભંગાર ખરીદે અને ભંગારના મોટા વેપારીઓને વેચે. પણ હાથલારીમાં ઝાઝો વિસ્તાર ફરી ના શકાય સાથે હાથ અને પગ દુખે. તેમણે વીચરતા સમુદાય સમર્થન મંચમાં જુનામાંથી પેડલ રીક્ષા ખરીદવા રૃા.10,000ની લોનની માંગણી કરી. લોન મળતા તેઓએ રૃા.6500ની બે મહિના ચાલેલી પેડલ રીક્ષા ખરીદી અને રૃ.3500 ભંગાર ભેગું કરવા માટે પોતાની પાસે રાખ્યા. હવે તેઓ ડીસા આસપાસના ગામડાં પણ ફરે છે અને પાસે પૈસા આવતા હવે એક સાથે વધારે ભંગાર ભેગો કરીને વેચે છે. જેથી આવક પણ સારી થઈ રહી છે. દૈનિક 40 રૃપિયાની બચત તેઓ કોઈ પણ હિસાબે કરે છે આ સિવાય પણ જેટલી થાય એટલી બચત તેઓ કરી રહ્યા છે.

ડીસાથી પાંચ કિ.મીના અંતરે આવેલા ભોયણગામમાં ભરથરી જયંતીભાઈ રહે. રાવળહથ્થો વગાડી ભીખ માંગવાનું કરે. વીચરતા સમુદાય સમર્થન મંચના કાર્યકર મહેશે તેમને ભીખ માંગવા કરતા ધંધા કરવાનું વારંવાર સમજાવે. આખરે એક દિવસ જયંતીભાઈએ કહ્યું, મારે ધંધો કરવો છે હું બોરિયા બકલ, ફુગ્ગા વગેરે વેચવાનું અને બદલામાં વાળ ભેગા કરવાનું બજાણિયા સમુદાય કરે છે તેવું કામ કરવા વિચારુ છું પણ એ માટે મુડી જોઈએ જે મારી પાસે નથી. મહેશે તેમને વીચરતા સમુદાય સમર્થન મંચમાંથી રૃા.10,000ની લોન અપાવી. તેઓએ ખુબ સારી રીતે ધંધો કરવા માંડ્યા. નિયિત રૃા.30 થી 40ની બચત પણ કરે.

મહેશ કહે છે, ‘હમણાં વસાહતમાં ગયો તો જંયતીભાઈ નવી સાયકલ લાવેલા. મને થયું દેવું કરીને તો નથી લાવ્યાને પણ એમણે સામેથી કહ્યું, મહેશભાઈ રોજ ચાલીને ગામડાં ફરવામાં થાકી જતો પગ દુખતા અને ધંધો પણ ઠીક ઠીક થાય ઝાઝુ ફરુ તો વધારે કમાઈ શકાય એટલે દરરોજ કરેલી બચતના રૃા.4000 ભેગા થયા એમાંથી સાયકલ લઈ આવ્યો. હવે વધારે ગામ ફરી શકાય છે.’

જયંતીભાઈનો લોનનો એક જ હપ્તો બાકી છે. તેઓ કહે છે, ‘આ હપ્તો ભરાઈ જાય પછી મને 30,000ની લોન આપજો. મારે કાચની મોટી પેટી લાવવી છે અને તેમાં બગસરાની વસ્તુઓ રાખીને વેચવાનું પણ વાળાના ધંધાની સાથે કરવું છે.’ દિશાઓ ખુલવા માંડી છે.

સાવ છેવાડે રહેતા આ પરિવારોને મદદ કરવાનો મોકો મળ્યો તે માટે આ કામમાં મદદરૃપ થનાર સૌ સ્વજનનો આભાર માનીએ છીએ.

Advertisements

One thought on “પોતાનો સ્વતંત્ર વ્યવસાય કરવાની તકને કારણે સાવ છેવાડે રહેતા પરિવારોની દિશાઓ ખુલવા માંડી છે

  1. atul shah atulshah2201@gmail.com. 1. Manharlal L. Patel August 12, 2015 at 11:55 amdear sir,can the gujarat govt. remove the iligal encroachment made by the private encroachers on individual’s priviate agricultural land in terms of the above Hon’ble S.C. order or otherwise?can the District Collector’s SWAGAT decision for removing the above said encroachment effective for removing said encroachment in an individual owner’s capacity?Besides, any other alternative process for removal of the said encroachment in individual capacity.RegardsM L PATELwhat is your view on this.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s